. ಶ್ರೀಮತಿ ಹೆಚ್ ಸುಂದರಮ್ಮ ಅವರ "ಹೃದಯ ಗೀತೆ"

ಪ್ರಕೃತಿ ಕ್ರಿಯಾಶೀಲ ಸುಂದರ ಮತ್ತು ಸಮೃದ್ಧ. ಕುವೆಂಪು ಅವರ ಶಬ್ದಗಳಲ್ಲಿ ಹೇಳುವುದಾದರೆ ಪ್ರಕೃತಿ ಚೈತನ್ಯದ ಚೈತ್ರ ಯಾತ್ರೆ- ಸಹಜತೆ ಅದರ ವಿಶಿಷ್ಟತೆ ಮತ್ತು ಶ್ರೇಷ್ಠತೆ. ಕಾವ್ಯ ಭಾಷೆಯ ಅತ್ಯುತ್ತಮ ಫಲ. ಕಾವ್ಯದ ಅನುಕೂಲವಿರುವುದೇ ಅದರ ಒಳಗೊಳ್ಳುವಿಕೆಯಲ್ಲಿ. ಎಲ್ಲಾ ಬಲ್ಲವರು ಕಾವ್ಯ ಬರೆಯುತ್ತಾರೆ. ಮನಸ್ಸಿನಲ್ಲಿ ಕಾವ್ಯ ಮೂಡುವುದು ನಿಸರ್ಗ ಕ್ರಿಯೆ. ಮೊಗ್ಗು ಅರಳುವಂತೆ ಸಹಜ ಪ್ರವೃತ್ತಿ. ಇದಕ್ಕೆ ಸಕಾರಣಗಳು ಇರಲೇಬೇಕೆಂದಿಲ್ಲ. ಸೃಜನಶೀಲ ಮನಸ್ಸಿನಲ್ಲಿ ಹುಟ್ಟುವ ಕಾವ್ಯಕ್ಕೆ ಶಬ್ದ ರೂಪ ಕೊಟ್ಟು ನಿರಾಳವಾಗುವವರೆಗೆ ಅದು ತಟ್ಟುತ್ತಾ ಇರುತ್ತದೆ. ಮನಸ್ಸಿನಲ್ಲಿ ಗುನುಗುನಿಸುತ್ತಲೇ ಇರುತ್ತದೆ. ಬರೆಯುವವನ ಶ್ರದ್ಧೆ ಪರಿಶ್ರಮಗಳ ಫಲವಾಗಿ ಕಾವ್ಯವಲ್ಲರಿ ಪಲ್ಲವಿಸುತ್ತದೆ. ಸ್ವಾತಂತ್ರ‍್ಯಕ್ಕೆ ಅರ್ಥ ಬರುವುದೇ ಅದರ ಸಮರ್ಥ ಬಳಕೆಯಲ್ಲಿ. ಉಪಮೆ, ರೂಪಕ, ಶ್ಲೇಷೆ, ವ್ಯಂಗ್ಯ, ವಕ್ರೋಕ್ತಿ ಗಳ ಮೂಲಕ ಒಂದೇ ಮಾತಿನಲ್ಲಿ ಹಲವು ಅರ್ಥಗಳನ್ನು ವ್ಯಂಜಿಸುವ ಕಾವ್ಯ ಓದುವ ಪ್ರತಿಯೊಬ್ಬನಿಗೂ ಪ್ರತ್ಯೇಕವಾಗಿ ಮತ್ತು ಓದುವ ಎಲ್ಲರಿಗೂ ಸಾಮೂಹಿಕವಾಗಿ ಏಕಕಾಲಕ್ಕೆ ಸಲ್ಲುತ್ತದೆ. ಭಾರತೀಯ ಪರಂಪರೆಯಲ್ಲಿ ಸಾಹಿತ್ಯದ ಎಲ್ಲಾ ಪ್ರಕಾರವು ಕಾವ್ಯವೇ. ಶ್ರೀಮತಿ ಹೆಚ್ ಸುಂದರಮ್ಮ ಅವರ "ಹೃದಯ ಗೀತೆ" ಶೀರ್ಷಿಕೆಯ ಈ ಕವನ ಸಂಕಲನ ಅನ್ವರ್ಥವಾಗಿದೆ. ಎಲ್ಲಾ ಭಾವಗಳಿಗೆ ಮನಸ್ಸು ಮೂಲವಾದರೂ ಹೃದಯ ಪ್ರೇರಕವಾಗಿದೆ. ಮನುಷ್ಯ ಸಹಜವಾದ ಎಲ್ಲಾ ಸಂವೇದನೆಗಳನ್ನೂ ಹೃದಯಕ್ಕೆ ಆರೋಪಿಸಲಾಗುತ್ತದೆ. ಆದ್ದರಿಂದ ಸಂಕಲನದಶಿರೋನಾಮೆ ಅತ್ಯಂತ ಸೂಕ್ತವಾಗಿದೆ. ಈ ಸಂಗ್ರಹದಲ್ಲಿ ವೈವಿಧ್ಯಮಯ ವಿಷಯವಸ್ತುಗಳ ಮೇಲೆ ಭಾವನಾತ್ಮಕವಾದ ಕವಿತೆಗಳು ಮೂಡಿಬಂದಿವೆ. ರಸಾಸ್ವಾದಕ್ಕೆ ಸಾಕಷ್ಟು ಅವಕಾಶವಿದೆ. ಈ ಕೃತಿಯಲ್ಲಿ ಚುಚ್ಚಲು ಸಂಕಲನಗಳಕೆಲವು ಗುಣಲಕ್ಷಣಗಳಿದ್ದರೂ ಕವಯಿತ್ರಿ ಅವುಗಳನ್ನು ಮೀರಿ ನಿಲ್ಲುವ ಪ್ರಯತ್ನ ಮಾಡಿದ್ದಾರೆ. ಈ ಕವನಸಂಗ್ರಹದಲ್ಲಿಸುಮಾರು 42 ಕವನಗಳಿವೆ. ಪ್ರತಿಯೊಂದು ಕವನವೂ ತನ್ನದೇ ಸಂದೇಶವನ್ನು ಸಾರುತ್ತಾ ಓದುಗ ಸ್ನೇಹಿಯಾಗಿದೆ. ಮುಂದಿನ ಕವನಗಳಲ್ಲಿ ಹೆಚ್ಚು ತಂತ್ರಗಾರಿಕೆಯನ್ನು ಬಳಸಲು ಅವಕಾಶವಿದೆ. ಹೆಚ್. ಸುಂದರಮ್ಮ ಮೂಲತಃ ಚಿಕ್ಕಮಗಳೂರು ಜಿಲ್ಲೆ ಕಡೂರು ತಾಲ್ಲೂಕು ಹಡಗಲು ಗ್ರಾಮದಲ್ಲಿ ಹುಟ್ಟಿ ಬೆಳೆದವರು. ಇವರು ಇಪ್ಪತ್ತೆಂಟುವರ್ಷಗಳಿAದ ಸರ್ಕಾರಿ ಶಾಲೆಗಳಲ್ಲಿ ಶಿಕ್ಷಕಿಯಾಗಿ ಕಾರ್ಯ ನಿರ್ವಹಿಸುತ್ತಿದ್ದಾರೆ. ಇವರ ಶಿಕ್ಷಣ ಸೇವೆ ಗುರುತಿಸಿ 2002 ರಲ್ಲಿ “ಜನ ಮೆಚ್ಚಿದ ಶಿಕ್ಷಕಿ” ಪ್ರಶಸ್ತಿ ದೊರಕಿದೆ. ಇವರು ಅಂತರ್ಜಾಲಾ ಸಾಹಿತ್ಯ ಸ್ಪರ್ಧೆಗಳಲ್ಲಿ ಸಕ್ರಿಯವಾಗಿ ಭಾಗವಹಿಸುತ್ತಿದ್ದು ಹಲವಾರು ಪ್ರಶಸ್ತಿಗಳನ್ನುಪಡೆದಿದ್ದಾರೆ. ಶ್ರೀಮತಿಹೆಚ್. ಸುಂದರಮ್ಮ ಅವg Àಕಾವ್ಯಯಾನ ಯಶಸ್ಸು ಕಾಣಲಿ ಎಂಬ ಶುಭಹಾರೈಕೆಗಳು.