ಸಂಚಲನ-ಸ0ವಹನ ಪೂರ್ಣಿಮ ಭಗವಾನ್ ಅವರ ಚೊಚ್ಚಲು ಕವನ ಸಂಕಲನ.

ಕವನ ಮನಸ್ಸಿನಲ್ಲಿ ಮೂಡುವ ಭಾವ ವಿಶೇಷ. ಎಲ್ಲ ಮನುಷ್ಯ ಜೀವಿಗಳಲ್ಲಿ ಒಂದು ಭಾವಲೋಕ ಇರುತ್ತದೆ. ಅವರವರ ಶ್ರಮ ಮತ್ತು ಶ್ರದ್ಧೆಯ ಆಧಾರದ ಮೇಲೆ ಯಶಸ್ಸು ಸಿಗುತ್ತದೆ. ಪ್ರತಿಭೆಯಿದ್ದರಂತೂ ಮೂಡಿ ಬರುವ ಕಾವ್ಯ ಕುಸುಮಗಳು ಸುಂದರವೂ ಪರಿಮಳ ಭರಿತವೂ ಆಗಿರುತ್ತವೆ. ಮನಸ್ಸಿಗೆ ಬಂದ ಭಾವಗಳನ್ನು ಆಗಿಂದಾಗ್ಗೆ ದಾಖಲಿಸಿದರೆ ಸೊಬಗು ಎದ್ದು ಕಾಣುತ್ತದೆ. ಮನಸ್ಸಿನಲ್ಲಿ ಲಹರಿ ಮೂಡಿದಾಗ ಸರಾಗವಾಗಿ ಭಾವಗಳು ಉದ್ಭವಗೊಂಡು ಕಣ್ಣ ಮುಂದೆ ಕುಣಿಯುವಂತೆ ಅನಿಸುತ್ತದೆ. ಅದೇ ಸ್ಪೂರ್ತಿಕಾಲ. ಕಾವ್ಯ ಪ್ರಚೋದನೆಗೆ ಯಾವುದೇ ತಾರತಮ್ಯವಿರುವುದಿಲ್ಲ. ಲಿಂಗ ಭೇದವಾಗಲೀ ವಯೋ ಭೇದವಾಗಲಿ ಇರುವುದಿಲ್ಲ. ತುಡಿತ ಬರುವಾಗ ಸಮಯ ಮಾಡಿಕೊಂಡು ಬರುವ ಭಾವಗಳನ್ನು ದಾಖಲಿಸಿದರೆ ಸುಂದರ ಕವನವಾಗುತ್ತದೆ. ಸಂಚಲನ-ಸ0ವಹನ ಪೂರ್ಣಿಮ ಭಗವಾನ್ ಅವರ ಚೊಚ್ಚಲು ಕವನ ಸಂಕಲನ. ಬಾಲ್ಯದಿಂದಲೇ ಓದುವ ಹವ್ಯಾಸ ಬೆಳೆಸಿಕೊಂಡವರು. ದೀರ್ಘಕಾಲದ ಸೇವೆಯ ಬಳಿಕ ಬ್ಯಾಂಕ್ ಉದ್ಯೋಗ ದಿಂದ ನಿವೃತ್ತಿ ಪಡೆದ ಮೇಲೆ ಬರವಣಿಗೆ ಆರಂಭಿಸಿದರು. ಹಾಗೆ ಬರೆಯತೊಡಗಿ ದವರು ತಮ್ಮ ಭಾವಶುದ್ಧತೆ ಮತ್ತು ವಯೋ ಪ್ರಬುದ್ಧತೆಯಿಂದ ಫ್ರೌಢ ಕವನಗಳನ್ನು ಬರೆಯಲು ಪ್ರಯತ್ನಿಸಿದ್ದಾರೆ. ಈ ಸಂಕಲನದಲ್ಲಿ ಸುಮಾರು ೩೦ ಕವನಗಳಿವೆ. ಒಂದರ0ತಿಲ್ಲ ಇನ್ನೊಂದು. ವಸ್ತು ವಿಶಿಷ್ಟತೆ ಎದ್ದು ಕಾಣುತ್ತದೆ. ಆಧ್ಯಾತ್ಮಿಕತೆ, ದೇಶಪ್ರೇಮ, ಸಮಾನತೆ, ಸೇವಾ ಮನೋಭಾವದಂತಹ ಮಾನವ ಒಳಿತಿನ ಚಿಂತನೆಗಳು ಕವನಗಳಲ್ಲಿ ಹಾಸು ಹೊಕ್ಕಾಗಿವೆ. ಎಲಾ ಕವನಗಳಲ್ಲಿ ನೀತಿ ಬೋಧೆ ಇದ್ದು ಸಮಾಜ ಮುಖಿಯಾಗಿರುವುದು ಕವನಗಳ ಹೆಚ್ಚುಗಾರಿಕೆ ಮತ್ತು ಉಪಯುಕ್ತತೆ. ಮುಂದಿನ ದಿನಗಳಲ್ಲಿ ಅನುಭವ ಜನ್ಯ ಸುಧಾರಣೆಗಳಿಂದ ಇನ್ನೂ ಮೌಲಿಕ ಕೃತಿಗಳು ಸಾಹಿತ್ಯ ಲೋಕಕ್ಕೆ ನೀಡಲಿ ಎಂಬ ಶುಭ ಹಾರೈಕೆಗಳು.