ಮುಖ್ಯವಾದ ಪ್ರಕಟಣೆ

ಕಥಾಬಿಂದು ಪ್ರಕಾಶನವು ಅಕ್ಟೋಬರ್ 29ರಂದು ಮಂಗಳೂರಿನ ಪುರಭವನದಲ್ಲಿ ಐವತ್ತು ಕವನ ಸಂಗ್ರಹಗಳನ್ನು ಬಿಡುಗಡೆ ಮಾಡುವಾಗ ನೀವು ನೀಡಿದ ಸಹಯೋಗಕ್ಕೆ ಕೃತಜ್ಞತೆಗಳು.  ಇದರ ಮುಂದುವರಿಕೆಯಾಗಿ ಈ ಕೆಳಗಿನ ಯೋಜನೆಗಳನ್ನು ರೂಪಿಸಲಾಗಿದೆ.

1. ಅಂದು ಬಿಡುಗಡೆಯಾದ ಹೊಸ ಕೃತಿಗಳಲ್ಲಿ ಆಯ್ದ ಕವನಗಳನ್ನು ಒಟ್ಟು ಸೇರಿಸಿ ಡಾ. ಕೊಳ್ಚಪ್ಪೆ ಗೋವಿಂದ ಭಟ್ ಅವರ ಸಂಪಾದಕತ್ವದಲ್ಲಿ  200 - 300 ಕವನಗಳ ಸಂಕಲನವನ್ನು ಹೊರ ತರುವ ಯೋಜನೆ ಹಾಕಿಕೊಳ್ಳಲಾಗಿದೆ. ಈ ಯೋಜನೆಯು ಮೇಲಿನ ಕಾರ್ಯಕ್ರಮದಲ್ಲಿ ಬಿಡುಗಡೆಯಾದ ಕವನ ಸಂಗ್ರಹಗಳಿಗೆ ಮಾತ್ರ ಅನ್ವಯ. ಉದ್ದೇಶಿತ ಸಂಪಾದಿತ ಕವನ ಸಂಗ್ರಹದಲ್ಲಿ ಆಯ್ಕೆಯಾದ ಕವನಗಳ ಪ್ರಕಟಣೆಗೆ ಕವಿಗಳು ತಮ್ಮ ಲಿಖಿತ ಅನುಮತಿ ಕೊಟ್ಟರೆ ಮಾತ್ರ ಇದರಲ್ಲಿ ಭಾಗವಹಿಸಬಹುದು.‌ ಸಂಪಾದಿತ ಪುಸ್ತಕದ ಪ್ರಕಟಣೆಗೆ  ಕವಿಗಳು ಯಾವುದೇ ಶುಲ್ಕ/ವೆಚ್ಚವನ್ನು ತರಬೇಕಾಗಿಲ್ಲ. ಕಥಾಬಿಂದು ಪ್ರಕಾಶನವು ಕವಿಗಳಿಗೆ ಯಾವುದೇ ಸಂಭಾವನೆಯನ್ನು ನೀಡುವುದಿಲ್ಲ. ನಮ್ಮ ಸಂಸ್ಥೆಯು ಅಮೆಜಾನ್ ಮೂಲಕ ಪುಸ್ತಕಗಳನ್ನು ವಿತರಿಸಲು ವ್ಯವಸ್ಥೆ ಹೊಂದಿರುವುದರಿಂದ ಕವನಗಳು ಹೆಚ್ಚು ಓದುಗರನ್ನು ತಲುಪಲಿ ಎಂಬುದು ಈ ಯೋಜನೆಯ ಆಶಯವಾಗಿದೆ.

ಈ ನಿಯಮಗಳಿಗೆ ಒಪ್ಪಿಗೆ ಇರುವ ಕವಿಗಳು ಸಂಸ್ಥಾಪಕರಾದ ಪ್ರದೀಪ್ ಕುಮಾರ್ ಪಿ ವಿ ಅವರಿಗೆ ತಮ್ಮ ಹೆಸರು, ಪ್ರಕಟಿತ ಪುಸ್ತಕದ ಹೆಸರು ಮತ್ತು ವಾಟ್ಸಪ್ ನಂಬರ್ ನಮೂದಿಸಿ ಈ ಕೆಳಗಿನ ಸಂದೇಶವನ್ನು ಕಳುಹಿಸುವ ಮೂಲಕ ತಮ್ಮ ಆಸಕ್ತಿಯನ್ನು ತಿಳಿಸಬಹುದು.

ಉದಾಹರಣೆ:- "ನನ್ನ ಕವನ ರಂಗೋಲಿ'  ಈ ಯೋಜನೆಯಲ್ಲಿ ಭಾಗವಹಿಸಲು ನಾನು ಆಸಕ್ತನಾಗಿದ್ದು ಈ ಸಂದೇಶದಲ್ಲಿ ತಿಳಿಸಿರುವ ನಿಯಮಗಳಿಗೆ ಈ ಮೂಲಕ ನನ್ನ ಒಪ್ಪಿಗೆಯನ್ನು ತಿಳಿಸುತ್ತಿದ್ದೇನೆ." ಎಂಬ ಒಪ್ಪಿಗೆ ಪತ್ರವನ್ನು ವಾಟ್ಸಪ್ ಮೂಲಕ  9341410153ಮೊಬೈಲ್ ನಂಬರಿಗೆ ಕಳಿಸಿ ಕೊಡಬೇಕಾಗಿ ವಿನಂತಿ.