ಹರೀಶ್ ಕಜೆ ಅವರ 'ಭಾವ ಪಂಜರ'

ಭಾವ ಜೀವಿಯ ಹೃದಯಂತರಾಳದ ನುಡಿ ನಮನಗಳು ಕನ್ನಡಾಂಬೆಯ ಪಾದಕಮಲಗಳಿಗೆ ಶಿರಸಾ ಬಾಗುತ್ತಾ, ತಾಯಿ ಭುವನೇಶ್ವರಿಯ ಮುಡಿಗಲಂಕರಿಸಲು ಪದಪುಂಜಗಳ ಹೂಮಾಲೆಗಳನ್ನು ಹೆಣೆಯುವಲ್ಲಿ ಅನುಗ್ರಹಿಸಿದ ಕನ್ನಡಾಂಬೆಯ ಆಶೀರ್ವಾದದ ಪುಷ್ಪದೆಸಳುಗಳನ್ನು ಶಿರದಲ್ಲಿರಿಸುತ್ತಾ, ನನ್ನ ಒಂದೆರಡು ಅನಿಸಿಕೆಗಳನ್ನು ತಮ್ಮ ಮುಂದಿಡಲು ಬಯಸುವತ್ತ ಚಿತ್ತಹರಿಸುತ್ತಲಿರುವೆನು. "ಅಜ್ಞಾನದಿಂದ ಭುವಿಗೆ ಬಂದ ಕೂಸು ನಾನು  ಅಜ್ಞಾತವಾಗಿದ್ದ ನನ್ನಂತರಾಳದ ಪ್ರಭೆಯನ್ನು ಜ್ಞಾನವೆಂಬ ದೀಪ್ತಿ ಬಳಸುತ್ತ ಪ್ರಭಾಮಣಿಯನ್ನು ಜ್ಞಾತಗೊಳಿಸಲನುವಾದ ನನ್ನಂತರOಗದ ಭಾವವನ್ನು ಸಾಹಿತ್ಯಾಸಕ್ತರ ಮುಂದೆ ಇರಿಸಲು ಬಯಸುತ್ತಿರುವನು ಭಾವ ಪಂಜರ ಹೊತ್ತಗೆಯನ್ನು ಹೊತ್ತು ತರುತ್ತಲಿರುವನು". ಅದೇನೋ ಅರಿಯೆನು, ಬದುಕಿನ ಬಂಡಿ ವಿದ್ಯಾಭ್ಯಾಸದ ಜೊತೆ ಜೊತೆಗೆ ಸಾಗುತ್ತಿರಲು, ಬಿ.ಎಡ್ ಶಿಕ್ಷಣದ ಹಾದಿಯಲ್ಲಿ ನನ್ನ ಬದುಕಿನ ಪಯಣಕ್ಕೊಂದು ಅನಿರೀಕ್ಷಿತ ತಿರುವು ಸಿಕ್ಕಿತು. ಆ ತಿರುವು ನನ್ನ ಬದುಕಿನ ಹೆಜ್ಜೆಗಳನ್ನು ಅಲಂಕರಿಸುವತ್ತ ಕೊಂಡೊಯ್ಯುತ್ತದೆ ಎಂಬ ಅರಿವು ನನಗಿರಲಿಲ್ಲ. ಆ ತಿರುವೇ ಸಾಹಿತ್ಯದತ್ತ ನನ್ನ ಒಲವಿನಾರಂಭಕ್ಕೆ ಮುನ್ನುಡಿ. ಸಾಹಿತ್ಯಾಸಕ್ತನಾಗಿ ಸಾಹಿತ್ಯದತ್ತ ಮುಖ ಮಾಡುತ್ತ ನನ್ನ ಸಾಹಿತ್ಯ ಬದುಕಿನ ಯಾನ ಆರಂಭವಾಯಿತು. ,

ಹರೀಶ್ ಕಜೆ.

ಪುತ್ತೂರು ದ.ಕ

ಜಂಗಮವಾಣಿ :- ೯೭೩೧೪೫೩೩೧೬

* * * * *