ಶ್ರೀಮತಿ ಗಾಯತ್ರಿ ಸುರೇಂದ್ರ ಅವರ ಭಾವದರ್ಪಣ

ಶ್ರೀ ಶಾರದಾ ಓದುಗರ ವೇದಿಕೆಯ ಆರಂಭದ ದಿನಗಳು ಅವು. ವೇದಿಕೆಯ ಸದಸ್ಯರು ತಮ್ಮ ವಿಮರ್ಶೆಗಳನ್ನು ಮಂಡಿಸಲು ಪ್ರಯತ್ನಿಸುತ್ತಿದ್ದ ಕಾಲ. ಎಂಬತ್ತರ ಆಸುಪಾಸಿನ ಹಿರಿಯರಿಂದ ಹಿಡಿದು ಇಪ್ಪತ್ತೈದರ ಹರೆಯ ದವರ ಮಿಲನ ಆ ವೇದಿಕೆಯ ಹೆಗ್ಗಳಿಕೆಯಾಗಿತ್ತು. ಎತ್ತಣ ಮಾಮರ ಎತ್ತಣ ಕೋಗಿಲೆ ಎತ್ತಣಿಂದೆತ್ತ ಸಂಬAಧವಯ್ಯಾ-ಎAಬ ವಚನದ ಭಾವದಂತೆ ನಾವೆಲ್ಲ ಸದಸ್ಯರು ಒಂದುಗೂಡಿದ್ದು ಸಂತಸ ಹಂಚಿಕೊAಡದ್ದು, ಜೀವನದ ಸಾಧನೆಯೆಡೆಗೆ ಸಾಗಿದ್ದು ಈಗ ಇತಿಹಾಸ. ಇಂತಹ ಸಮಾಗಮದಲ್ಲಿ ಒಂದು ದಿನ ತಮ್ಮ ಭಾವಪೂರ್ಣ ಅನಿಸಿಕೆಯಿಂದ ನಮ್ಮನ್ನೆಲ್ಲ ಸೆಳೆದವರು ಶ್ರೀಮತಿ ಗಾಯತ್ರಮ್ಮ. ಅವರ ಹೃದಯ ಭಾವನೆಗಳ ಆಗರ ಹಾಗೂ ಸಾಗರವೇ ಆಗಿತ್ತು. ಆದರೆ ಈಗ ನೂರಾರು ಕವನಗಳನ್ನು ರಚಿಸಿ, ನಾನಾ ರೀತಿಯ ಪ್ರಶಸ್ತಿಗಳನ್ನು ತಮ್ಮದಾಗಿಸಿಕೊಂಡ ಗಾಯತ್ರಮ್ಮನವರನ್ನು ಕಂಡಾಗ ಅವರಲ್ಲಿ ಒಬ್ಬ ಕವಯತ್ರಿ ಅಡಗಿದ್ದಳು ಎಂಬ ನನ್ನ ಅನಿಸಿಕೆ ಸುಳ್ಳಾಗಿರಲಿಲ್ಲ.

ಗಾಯಿತ್ರಮ್ಮ ನವರದು ಧೈರ್ಯ, ಸ್ಥೈರ್ಯದ ವ್ಯಕ್ತಿತ್ವ. ಮದುವೆ, ಮಕ್ಕಳು ನಂತರ ಪದವಿಯನ್ನು ಪಡೆದವರು. ಇವತ್ತು ರಾಜ್ಯಮಟ್ಟದಲ್ಲಿ ಪ್ರಶಸ್ತಿ ಸನ್ಮಾನಗಳನ್ನು ಗಳಿಸುವಂತಹ ರೀತಿಯಲ್ಲಿ ಕವನಗಳ ರಚನೆಯಿಂದ ಹೆಸರಾದದ್ದು ನನಗೆ ಒಂದು ಸೋಜಿಗ. ಕವನಗಳ ರಚನೆಗೆ ಬೇಕಾದ ಪ್ರತಿಭೆ ದೈವದತ್ತವಾದುದು. ಗಾಯಿತ್ರಮ್ಮ ನವರು ಆ ಪ್ರತಿಭೆಯನ್ನು ಆಳವಾದ ಅಧ್ಯಯನದ ಒರೆಗಲ್ಲಿಗೆ ಹಚ್ಚಿ, ಈಗ ಪ್ರಕಾಶನಗೊಳ್ಳುತ್ತಿರುವ ‘ಭಾವದರ್ಪಣ’ ಕವನ ಸಂಕಲನದಲ್ಲಿ ಸುಮಾರು 74 ಕವನ ಗಳಿದ್ದು ವೈವಿಧ್ಯಮಯ ಕಾವ್ಯವಸ್ತುಗಳನ್ನು ಹೊಂದಿದೆ. ಗಂಭೀರವಾದ ಭಾವಕೂಟದಿಂದ ವರ್ಣ ರಂಜಿತವಾದ ಭಾವನಾತ್ಮಕ ಕವನಗಳು ಓದುಗರನ್ನು ರಂಜಿಸುವುದರ ಜೊತೆಗೆ ಉತ್ತಮ ಸಂದೇಶಗಳನ್ನು ತಲಪಿಸುತ್ತವೆ. ಕವನಗಳಲ್ಲಿ ಉತ್ತಮ ಅಭಿರುಚಿಯ ಚಿಗುರಿ ನಂತಹ ಭಾವಗಳಿವೆ. ಮುಂದಿನ ದಿನಗಳಲ್ಲಿ ಇನ್ನೂ ಉತ್ತಮ ಮಟ್ಟದ ಕವನಗಳು ಅವರಿಂದ ಹೊರಹೊಮ್ಮಲಿ. ಸಾಮಾನ್ಯ ಬದುಕಿಂದ ಅಸಾಮಾನ್ಯ ಕವನಗಳ ಭಾವಧಾರೆಯಾಗಿ... ಚಿಮ್ಮಿದೆ. ಶ್ರೀ ಶಾರದಾ ಓದುಗರ ವೇದಿಕೆ ಸ್ಥಾಪಿಸಿದ್ದು ನನಗೆ ಸಾರ್ಥಕತೆ ಹಾಗೂ ನೆಮ್ಮದಿ ನೀಡಿದೆ. ಗಾಯಿತ್ರಮ್ಮ ನವರಿಗೆ ನನ್ನ ಹೃದಯಪೂರ್ವಕ ಅಭಿನಂದನೆಗಳು. ಶುಭಾಶಯಗಳೊಂದಿಗೆ,