ಪ್ರಕಟಣೆ

ಮಂಗಳೂರಿನ ಕಥಾಬಿಂದು ಪ್ರಕಾಶನ ಸಾಹಿತ್ಯ ಸೇವೆಯಲ್ಲಿ ತೊಡಗಿರುವ ಸಂಸ್ಥೆ ಎಂದು ಎಲ್ಲರಿಗೂ ಗೊತ್ತಿರುವ ವಿಚಾರವಾಗಿದೆ. ಅಕ್ಟೋಬರ್ 29 2023 ರಂದು ಮಂಗಳೂರಿನಲ್ಲಿ 50 ಪುಸ್ತಕಗಳನ್ನು ಒಂದೇ ದಿನ ಬಿಡುಗಡೆಗೊಳಿಸಿ ವಿಕ್ರಮ ಸಾಧಿಸಿದೆ. ಜನವರಿ 21, 2024ರಂದು ಬೆಂಗಳೂರಿನ ರವೀಂದ್ರ ಕಲಾಕ್ಷೇತ್ರದಲ್ಲಿ 52 ಪುಸ್ತಕಗಳನ್ನು ಬಿಡುಗಡೆ ಮಾಡಿ ತನ್ನದೇ  ದಾಖಲೆಯನ್ನು ಮೀರಿಸಿದ್ದು ನಿಮಗೆಲ್ಲ ಪರಿಚಿತ.

ಸಾಹಿತ್ಯ ಸೇವೆಯನ್ನು ಮುಂದುವರಿಸುತ್ತಾ ಈ ವರ್ಷದ ಏಪ್ರಿಲ್ 20, 21,ಮತ್ತು 22 ರಂದು ಬಹುಭಾಷಾ ಸಾಹಿತ್ಯ ಸಮ್ಮೇಳನವನ್ನು ಕಥಾಬಿಂದು ಪ್ರಕಾಶನ ಆಯೋಜಿಸುತ್ತಿದೆ. ಮಂಗಳೂರಿನ ಹೊರವಲಯದಲ್ಲಿರುವ ಶ್ರೀ ಭಾರತಿ ಅನುದಾನಿತ ಹಿರಿಯ ಪ್ರಾಥಮಿಕ ಶಾಲೆ ಮುಡಿಪು ಶಾಲೆಯಲ್ಲಿ ಈ ಸಮ್ಮೇಳನವು ನಡೆಯಲಿದೆ. ಈ ಸಮ್ಮೇಳನದಲ್ಲಿ ಮೊದಲ ದಿನ ಕನ್ನಡ ಭಾಷೆಗೆ, ಎರಡನೇ ದಿನ ತುಳು ಭಾಷೆಗೆ, ಮತ್ತು ಮೂರನೇ ದಿನ ಬಹು ಭಾಷೆಗೆ ಮೀಸಲಾಗಿದೆ. ಪ್ರತಿದಿನ ಆಯಾ ಭಾಷೆಯ ಪುಸ್ತಕ ಬಿಡುಗಡೆ,ಸಾಂಸ್ಕೃತಿಕ ಕಾರ್ಯಕ್ರಮ ಮತ್ತು ಕವಿಗೋಷ್ಠಿಗಳನ್ನು ಹಮ್ಮಿಕೊಳ್ಳಲಾಗಿದೆ.

ಈ ಸಂದರ್ಭದಲ್ಲಿ ಕನ್ನಡ ಸೇರಿದಂತೆ ಎಲ್ಲಾ ಭಾಷೆಗಳಲ್ಲಿ ಪುಸ್ತಕ ಪ್ರಕಟಣೆಗೆ ಅವಕಾಶವಿದೆ. ಪ್ರಕಟಣೆಗಾಗಿ ಬರಹಗಾರರಿಂದ ಕೃತಿಗಳ ಪಠ್ಯವನ್ನು ಆಹ್ವಾನಿಸಲಾಗಿದೆ. ಕೃತಿ ಪ್ರಕಾಶನದ ಬಗ್ಗೆ ಸಂಸ್ಥಾಪಕರಾದ ಪಿ ವಿ ಪ್ರದೀಪ್ ಕುಮಾರ್ ಮೊ 9341410153  ಅಥವಾ ಹಿರಿಯ ಸಾಹಿತಿಗಳಾದ ಡಾ ಕೊಳ್ಚಪ್ಪೆ ಗೋವಿಂದ ಭಟ್ ಮಂಗಳೂರು ಮೊ 7045353049 ಅವರನ್ನು ಸಂಪರ್ಕಿಸಬಹುದು.

ಕೃತಿಗಳ ತಂತ್ರಾಂಶ ರೂಪದ  ಪಠ್ಯವನ್ನು ಪ್ರಕಾಶಕರಿಗೆ ಸಲ್ಲಿಸಲು ಕೊನೆಯ ತಾರೀಕು ಮಾರ್ಚ್ 20, 2024.

ಮೂರು ದಿನ ಆಯಾ ಭಾಷೆಗಳ ಕವಿಗೋಷ್ಠಿಯನ್ನು ಕೂಡ ಆಯೋಜಿಸಲಾಗಿದೆ. ಭಾಗವಹಿಸಲು ಆಸಕ್ತ ಕವಿಗಳು ಈ ಬಗ್ಗೆ ತಮ್ಮ ಹೆಸರನ್ನು ಶ್ರೀಮತಿ ರೇಖಾ ಸುದೇಶ ರಾವ್ ಮೊ 9481978620ಅವರಿಗೆ ಕರೆ ಮಾಡಿ ನೋಂದಾಯಿಸಲು ವಿನಂತಿಸಲಾಗಿದೆ.