ಆಶಾ ಅಡೂರ್ ಅವರ ಕವನ ಸಂಕಲನ ಭಾವನಿಧಿ

ತಮ್ಮ ಶಾಲಾ ದಿನಗಳಿಂದಲೂ ಕಸೂತಿ, ಹಾಡು,ಚಿತ್ರಕಲೆ,ನೃತ್ಯಕಲೆಗಳಲ್ಲಿ ಆಸಕ್ತಿಯನ್ನು ಬೆಳೆಸಿಕೊಂಡ ಆಶಾ ಅವರು ಕೃಷಿಕ ಕುಟುಂಬದಲ್ಲಿ ಜನಿಸಿದವರು. ಬಿಎಸ್ಸಿ ಪದವೀಧರೆ. ವಾಣಿಜ್ಯೋದ್ಯಮಿಯ     ಧರ್ಮಪತ್ನಿ ಯಾಗಿ , ಸಂಬಳದ ಉದ್ಯೋಗಕ್ಕೆಳಸದ ಪೂರ್ಣಪ್ರಮಾಣದ ಗೃಹಿಣಿ. ಇಬ್ಬರು ಗಂಡು ಮಕ್ಕಳ ತಾಯಾಗಿ ಅವರ ಲಾಲನೆ ಪಾಲನೆಯಲ್ಲಿ ತೊಡಗಿಕೊಂಡ ಸಂತೃಪ್ತ ನಾರಿ. ಬರವಣಿಗೆಯಲ್ಲಿ ಆಸಕ್ತಿ ಹೊಂದಿರುವ ಇವರು ಬಿಡುವಿನ ವೇಳೆಯಲ್ಲಿ ಚುಟುಕು, ಕವನ,ಸಣ್ಣಕಥೆ, ಮುಂತಾದ ಸಾಹಿತ್ಯ ಪ್ರಕಾರಗಳಲ್ಲಿ ತಮ್ಮನ್ನು ತೊಡಗಿಸಿಕೊಂಡ ಹವ್ಯಾಸಿ ಬರಹಗಾರ್ತಿ.ಅಟ್ಟುಂಬೊಳಕ್ಕೇ ಸೀಮಿತವಾಗದೆ ಇವರು ಕವನ ರಚನೆಯ ವಿಶಿಷ್ಟ ಪ್ರತಿಭಾವಂತರು ಎಂಬುದನ್ನು ''ಕಾವ್ಯಪ್ರಭ'' ಎಂಬ ಹೆಸರಿನ ಕವನ ಸಂಕಲನವನ್ನು ಹೊರತರುವ ಮೂಲಕ ನಿರೂಪಿಸಿರುತ್ತಾರೆ.