ಕಥಾಬಿಂದು ಸಾಹಿತ್ಯ ಸಮ್ಮೇಳನ 48 ಕೃತಿಗಳ ಅನಾವರಣ

ಕಥಾಬಿಂದು ಪ್ರಕಾಶನ ಪಿ ವಿ ಪ್ರದೀಪ್ ಕುಮಾರ್ ಸಾರಥ್ಯದಲ್ಲಿ ಕನ್ನಡ ಸಾಹಿತ್ಯ ಸಮ್ಮೇಳನವನ್ನು ಜನವರಿ 21ರಂದು ಅಪರಾಹ್ನ ಎರಡು ಗಂಟೆಯಿAದ ಬೆಂಗಳೂರಿನ ರವೀಂದ್ರ ಕಲಾಕ್ಷೇತ್ರದ ಸಂಸ ಬಯಲು ರಂಗ ಮಂದಿರದಲ್ಲಿ ಆಯೋಜಿಸಿದೆ. ಈ ಸಂದರ್ಭದಲ್ಲಿ ಪ್ರಶಸ್ತಿ ಪ್ರದಾನ, ಕವಿಗೋಷ್ಠಿ, ಸಾಂಸ್ಕೃತಿಕ ಕಾರ್ಯಕ್ರಮಗಳನ್ನು ಹಮ್ಮಿಕೊಂಡಿದೆ.

 ಇದೇ ಸಂದರ್ಭದಲ್ಲಿ 48 ಸಾಹಿತ್ಯ ಕೃತಿಗಳ ಅನಾವರಣ ಕೂಡ ನಡೆಯಲಿದೆ ಶಿವಮೊಗ್ಗದ ಹಿರಿಯ ಸಾಹಿತಿ ಶ್ರೀಮತಿ ಗಾಯತ್ರಿ ಸುರೇಂದ್ರ ಅವರು ಅಧ್ಯಕ್ಷತೆ ವಹಿಸಲಿದ್ದು ಉದ್ಘಾಟನೆಯನ್ನು ಆನಂದ ನಿಲಯ ಪ್ರಕಾಶನದ ಶ್ರೀ ಆನಂದ ಕೊರಟಿಯವರು ಮಾಡಲಿದ್ದಾರೆ ಮುಖ್ಯ ಅತಿಥಿಗಳಾಗಿ ಡಾ ಆರ್ ಎಸ್ ರವೀಂದ್ರ (ಪ್ರಾಧ್ಯಾಪಕರು), ಹಿರಿಯ ಸಾಹಿತಿ ಮಂಗಳೂರಿನ ಡಾ ಕೊಳ್ಚಪ್ಪೆ ಗೋವಿಂದ ಭಟ್ ಆಗಮಿಸುವರು. ಶ್ರೀ ವಾಮನರಾವ್ ಬೇಕಲ್ ಅವರ (ಕನ್ನಡ ಭವನ ಕಾಸರಗೋಡು) ಅಧ್ಯಕ್ಷತೆಯಲ್ಲಿ 'ಕನ್ನಡ ತಿಲಕ ರಾಜ್ಯ ಪ್ರಶಸ್ತಿ' ಪ್ರದಾನ ನಡೆಯಲಿದೆ.

23 ಜನ ಸಾಧಕರು ಪ್ರಶಸ್ತಿಗೆ ಆಯ್ಕೆಯಾಗಿದ್ದಾರೆ.

ಅದೇ ದಿನ ನಡೆಯುವ ಕನ್ನಡ ಕವಿಗೋಷ್ಠಿಯಲ್ಲಿ 15 ಕವಿಗಳು ಭಾಗವಹಿಸಲಿದ್ದು ಶ್ರೀಮತಿ ಭವ್ಯ ಸುಧಾಕರ ಜಗಮಾನೆ ಅಧ್ಯಕ್ಷತೆ ವಹಿಸುವರು, ಅತಿಥಿಗಳಾಗಿ ಶ್ರೀಮತಿ ಬಿ ಸತ್ಯವತಿ ಎಸ್ ಭಟ್ ಕೊಳಚಪ್ಪು, ಆಕಾಶವಾಣಿ ಕಲಾವಿದ ಹಾಸನದ ಶ್ರೀ ಕುಮಾರ ಚಲವಾದಿ, ಅತಿಥಿಗಳಾಗಿ ಪಾಲ್ಗೊಳ್ಳುವರು. 

ಪುಸ್ತಕ ಬಿಡುಗಡೆ ಕಾರ್ಯಕ್ರಮದಲ್ಲಿ ವಿವಿಧ ಲೇಖಕರ ಒಟ್ಟು 48 ಪುಸ್ತಕಗಳು ಅನಾವರಣಗೊಳ್ಳಲಿವೆ. ಶ್ರೀಮತಿ ವಿನೋದಿನಿ ಆನಂದ್ ಅವರ ಅಧ್ಯಕ್ಷತೆಯಲ್ಲಿ ಸಾಹಿತ್ಯ ಮಾಲೆ-2 ಇದರ 48 ಕೃತಿಗಳು ಅನಾವರಣಗೊಳ್ಳಲಿವೆ.

 ಕೆ ವಿ ಲಕ್ಷ್ಮಣಮೂರ್ತಿ (ಹಿರಿಯ ಸಾಹಿತಿಗಳು) ಅತಿಥಿಗಳಾಗಿ ಆಗಮಿಸಲಿದ್ದಾರೆ.

ಸಾಂಸ್ಕೃತಿಕ ಕಾರ್ಯಕ್ರಮಗಳನ್ನು ಸುನೀತಾ ನೆಲೆಗದ್ದೆ ಅವರು ನಡೆಸಿಕೊಡಲಿದ್ದಾರೆ ಅಪೂರ್ವ ಕಾರಂತ್ ಮತ್ತು ರೇಷ್ಮಾ ಶೆಟ್ಟಿ ಕಾರ್ಯಕ್ರಮ ನಿರ್ವಹಿಸುವರು.

ಪಿವಿ ಪ್ರದೀಪ್ ಕುಮಾರ್

ಮುಖ್ಯಸ್ಥರು

ಕಥಾಬಿಂದು ಪ್ರಕಾಶನ

ಮಂಗಳೂರು

ಮೊಬೈಲ್+91 93414 10153