ಸಹೃದಯ ಬರಹಗಾರ್ತಿ ಶ್ರೀಮತಿ ಗಾಯತ್ರಮ್ಮ

ಶ್ರೀಮತಿ ಗಾಯತ್ರಮ್ಮ ಮೂಲತಃ ಶಿವಮೊಗ್ಗ ದವರು. ಅವರ ಪತಿ ಸುರೇಂದ್ರ ಬಿ ಎಂ. ವಾಯು ಸೇನೆಯಲ್ಲಿ ಕೆಲಸ ಮಾಡಿ ನಿವೃತ್ತರಾದವರು. ಮಗ ಅಜಯ್ ಕುಮಾರ್ ಶರ್ಮ ವೃತ್ತಿಪರರು.

ಶ್ರೀಮತಿ ಗಾಯತ್ರಮ್ಮ ಅವರಿಗೆ ಕನ್ನಡ ಸಾಹಿತ್ಯ ಚಟುವಟಿಕೆಗಳಲ್ಲಿ ತುಂಬಾ ಆಸಕ್ತಿ. ಅವರ ಓದು ಬಿಎ. ಹಿಂದಿಯಲ್ಲಿ ಪ್ರವೀಣ ಮತ್ತು ಸಂಸ್ಕೃತದಲ್ಲಿ ಕೋವಿದ ಕೂಡ ಪೂರೈಸಿದ್ದಾರೆ.  ಅವರು ಅಂತರ್ಜಾಲ ಆಧಾರಿತ ಸಾಹಿತ್ಯ ಬಳಗಗಳಲ್ಲಿ ಸಕ್ರಿಯ ರಾಗಿದ್ದಾರೆ. ನೂರಕ್ಕೂ ಹೆಚ್ಚು ಬಳಗಗಳಿಂದ ಬಹುಮಾನ ಪತ್ರಗಳನ್ನು ಪಡೆದಿದ್ದಾರೆ.

ಅವರು ಬರೆದ ಲೇಖನ, ಕವನಗಳು ಜನ ಮಿಡಿತ ಕುಂದನಗರಿ ಮುಂತಾದ ಪತ್ರಿಕೆಗಳಲ್ಲಿ ಪ್ರಕಟಗೊಂಡಿವೆ.

ಶ್ರೀಮತಿ ಗಾಯತ್ರಮ್ಮ ಅವರು ವಾಗೀಶ್ವರಿ ಓದುಗರ ಸಂಘ ವನ್ನು 2013ರಲ್ಲಿ ಹುಟ್ಟು ಹಾಕಿ ಶಿವಮೊಗ್ಗದಲ್ಲಿ ಮನೆ ಮನೆಯಲ್ಲಿ ಉತ್ತಮ ಪುಸ್ತಕಗಳ ವಿಮರ್ಶೆಯ ಮೂಲಕ ಜಾಗೃತಿ ಮೂಡಿಸಿ ಓದುವ ಹವ್ಯಾಸವನ್ನು ಬೆಳೆಸಿದ್ದಾರೆ. ಅವರು ಕನ್ನಡ ಸಾಹಿತ್ಯ ಪರಿಷತ್ ಶಿವಮೊಗ್ಗ ತಾಲೂಕ ಘಟಕದ ಸದಸ್ಯರು.